حقن البلازما للوجه و للهالات السوداء - تجربة و معلومات
اهلا فيكم متابعاتي
تدوينتي اليوم عن حقن البلازما ، حقن البلازما للبشرة ، للوجه و للهالات السوداء هd من العلاجات الحديثة و اللي تعتبر آمنة لتحسين بشرتك و كثير من المشاهير يسونها حاليا. و انقل لكم اليوم تجربة و كلام صديقتي اللي جربت حقن البلازما.
صديقتي بدأت جلسات بلازما لان بشرتها شحبت من السهر و الجو المغبر حتى المكياج تحتاج طبقات عشان تظهر بشكل مشرق و طبيعي
طريقة البلازما:
يأخذون من دمك عينه بحجم عينة تحليل الدم و يحطونها في جهاز و تفصل البلازما عن الدم , تحتاج العمليه هذه نص ساعه
اثنائها يحطون عليك كريم مخدر
توزع البلازما في ابر رفيعة جدا و تحقن في الوجه مع تركيز الحقن في المناطق المتعبة مثل منطقة تحت العين
اثناء الحقن الالم مؤلم بشكل متوسط و فضيع في الشفائف لكن انصحكم تحقنون الشفايف عشان تورد
لاحظي وجهك بيكون شكله مريع و منقط بالاحمر مقاربة للازرق و منتفخ و شكل الشفايف كانك حاقنه بوتكس بعد الحقن لكن هذا أثر مؤقت يزول تماما بعد 3 أيام اما الانتفاخ فقط نص يوم , فلا تقلقين من شكل وجهك في البدايه
بعد الحقن مباشرة ينصح بوضع ثلج و عمل تدليك للوجه و تقدرين تغسلينه بعد 4 ساعات و تقدرين تستخدمي الصابون و اي مكياج بعد 8 ساعات
طبعا بيخطر لك كم جلسة تحتاجين , هذا يعتمد على حالة بشرتك تختلف من وحده لوحده
صديقتي قالوا لها تحتاج 3 جلسات لانها فقط تعاني من الارهاق و الشحوب
الاسعار غاليه الجلسه ب 1500 ريال لكن النتيجة تستحق
ملاحظة بعد الانتهاء من الجلسات المحدده الافضل ترجعين تسوين جلسة بلازما كل ستة شهور لتجدير النضارة.
تذكروني
لايك و شير حبيباتي 
انا سمعت فيها لكن لسه ماهي منتشرة هنا مثل البوتكس و الفيليرز. يعطيك العافيه و شكرا على المشاركة.
0 اضف رد على هذا التعليق إبلاغ عن إساءة