تقييم قناع VITA C من THEFACESHOP
تقييم قناع VITA C من THEFACESHOP قبل فتره نشرت صورة مجموعة الاقنعه اللي اشتريتها و اليوم انشر تقييم لقناع فيتامين C مباشره بعد استخدامه من شدة ما اعجبني و لقيته روعه. القناع عباره عن عصارة البرتقال و هذا يجعل تركيز فيتامين سي فيه عالي. فيتامين سي يساعد البشره على تجديد خلاياها و انتاج مادة الكولجين فيحافظ على بشرتك و يخلي مظهرها صحي و شاب. ترطيب القناع خيالي , مسحت على ايدي بباقي عصاره القناع في المغلف حتى بشرة ايدي حبته و امتصته. في شئ مختلف في هذا القناع , هو عباره عن قطعتين ما هو قطعه وحده. القطعه الاولى تغطي منطقه العينين و الانف يعني جزء الوجه العلوي و الثانيه السفلي اول ما فتحت المغلف استغربت لكن حبيته لان ما يصير متكرمش في اجزاء منه مثل القناع من قطعه وحده. انصحك تجربينه حطيت صورته. اعطيه 10 من 10 نسيت السعر بالضبط لاني كنت شاريه مجموعه لكنه ما راح يتجاوز 35 ريال.
bashoor
0
