"زيت الشيوخ "شي خياااالي لمشاكل الشعر
طبعا انا احب اطرح دووم اللي يكون من تجربتي الشخصية من باب المصداقية... بس اليوم حابة اطرح لكم شي من تجربة اختي ومن ملاحظتي للفرق... اختي كانت تعاني من تقصف الشعر وتساقطه وما خلت شي ما جربته لين طاحت على زيت اسمه "زيت الشيوخ".واللي كان مسوي زوبعه بالانستغرام ومدح البنات فيه ..هو عبارة عن خليط من الزيوت الطبيعه واعشاب. ..طبعا انا لمحت هالمنتج بحساب وحدة من التاجرات بالانستغرام بس تخوفي من تجربة اي شي من هالخلطات ما شجعني اني اخده وخصوصا لما اكون مب عارفة شو محتوى الزيت... بس عاد اختي تحمست له وخدته....ريحته مثل ريحة زيت املا بالضبط...يعني ريحته ممكن ما يتقبلها البعض.. .بس بيني وبينكم طلع رووووعه وشعر اختي تغير للافضل...يعني لاحظت الفرق من حيث النعومة والكثافة. وعلى كلامها تساقط الشعر خف.... طريقه استخدامه يكون ثلاث ايام في الاسبوع لمدة شهر...اول شي ترجين الغرشة عشان تختلط كل المكونات اللي فيه عقب تاخدين شوي منه مع تقسيم الشعر وتبدين تركزين على الفروة مع التدليك من خمس دقايق لعشر دقايق لتنشيط الدورة الدموية لفروة الراس... وتخلينه على الشعر لست ساعات متواصله ما يحتاج تحطين شي لتغطية الراس... وعقبها تغسلينه بالشامبو المعتاد....بالنسبة لطريقة الطلب تقدرون تتواصلون مع التاجرة من خلال الرقم الموضح بالغرشة او حتى تدورون على المنتج من خلال اسمه في الانستغرام...طرحي هذا من باب الفايدة والتجربة لا من باب الدعاية او غيره... O(∩_∩)O
¦¦¦ وتحصلينه بكل محلات السوبر ماركت او عند العطار ...راح اتكلم عنه وانزل صورته في طرحي القادم ...وفي وحدة من ربيعاتي خذت الفكرة وضافت زيت جوز الهند على زيت الشيوخ عشان تروح الريحة..عاد انتي واللي يناسبج ^^
0
