دلكة البرتقال السوداني
دلوقتي انتي جبتي برتقال وقشرتيه واكلتيه بالهناء والشفا على قلبك بس القشر اوعي ترميه حطيه في صنيه وسيبيه في البلكونه في الشمس لحد ما ينشف وبعد كده بتاخديه وتحطي عليه ريحان او قرنفل او نعناع وتطحنيه كويس لحد ما يبقى بودره خالص وبتشيله في برطمان ناشف كويس في حته مش رطبه , ولما تيجي تستعليه بتاخدي من البودره اللي احنا عملناها دي 3 معالق كبار وتعجنيهم بمية ورد لحد ما تبقى عجينه تقدري تفرديها على جسمك بسهوله , بتفرديها على المكان اللي عايزه تعمليلوا دلكه وتسيبيه لحد ما ينشف خالص , اول ما ينشف تجيبي زيت لوز او زيت زيتون وتفركي بيه الدلكه من على جسمك لحد ما تطلع خالص مايتبقاش منها حاجه وبعد كده بتغسلي المكان اللي عملتيه عليها بميه دافيه اصابونه دوف او اي صابونه تانيه مرطبه ولو جدعه بقى اغسليها بالميه بس وتاني يوم خدي دش عادي وشوفي الفرق بعينك وقوليلنا ايه الاخبار بعدها :)
0
اضف رد على هذا التعليق
إبلاغ عن إساءة
