حكايتى مع انقاص الوزن وانظمه الرجيم ودكاترته
السلام عليكم ورحمه الله وبركاته
اناعضوه جديده هناومبسوطه جدا انى معاكم حبيت انقلكم تجربتى الخاصه مع موضوع بيهم كل البنات والستات الرجيم وانقاص الوزن
اناشخصيا رحت لاتنين دكاتره واحدصغيرفى السن اومبتدا زى مابنقول والتانى مخضرم ومعروف ومشهور ومشيت مع الاول شهروشويه وحققت نتيجه مرضيه من وجهه نظرى انا نزل من وزنى 9كيلو ده مع لعب الرياضه 3مرات فى الاسبوع وجلستين كافتيشن او مايعرف بتفتيت الدهون والدكتور التانى مشيت معاه 3 اشهر اوترم كامل فى الجامعه وكان اخرترم ليافيها الحمدلله اتخرجت .عشان مطولش عليكم نزلت معاه 6كيلو من غيررياضه ولااى شئ .وحاليا كبرت دماغى تماما .لان اولا محدش بيحس بمدى المك انك بقيتى ذات وزن زائدكل اللى حواليكى بينتقدوقى حتى الدكتور التانى الى بكلمكم عنه ده قالى انتى معندكيش اراده وفعلا ده صحيح لانى مكنتش حابه اعمل رجيم مع دكتورلانى من الشخصيات المنفرده برايها ومش بحب حديدينى اوامرلانى شايفه انى طالماانامعنديش الدافع انى اخس حتى لو رحت لاعظم دكتورف العالم مش هاخس .الى استفدته من التجربه دى بقى انى اتاكدت انى طول انامعنديش اراده انى اخس مهماعملت جسمى هيرفض كل المحاولات لده .انى طول ماانامش بلعب رياضه ولابمشى ولابتحرك ونومى مش مظبط واكلى كمان برده مش هاخس .واهم حاجه لازم مااهتمش بكلام الناس ومسحملوش انه ياثرفيا لانى طول ماانامقتنعه بنفسى جميله زى ماانا دبدوبه كده هلاقى اللى اكون حلوه فى عينه برده وانى لازم اخس عشان صحتى عشان رشاقتى عشان اقدرامارس حياتى بشكل كويس واستمتع بيها واهم شئ عشان ميكنش فيه مشاكل فى الانجاب بعدالجواز ان شاءالله لاننا عارفين ان الوزن الزائد ليه اثارسلبيه ع كل شئ .وعشان اكمل مصداقيه للاخر انافعلا معنديش هدف ولا شئ يخلينى اتحرك خطوه لقدام فى موضوع انى اخس بس بحاول جاهده انى اشحن نفسى طاقه عشان اوصل للاناعوزاه واخر حاجه معذره لوكنت طولت عليكم بس حبيت اشارك تجربتى معاكم عشان اقولك مفيش شئ اسمه رجيم فى حاجه اسمهاتنظيم للاكل ولحياتك ونظامك لليوم ومفيش شئ اسمه تفتيت دهون حتى لو كان بالليزرو راديوفركوانسى بالرغم من انه مكن يعمل نتيجه بس بعد فتره من انقطاعه هتلاقى الاموررجعت زى الاول عن تجربتى اناالخاصه وحبى جسمك عشان يحبك حبى نفسك وخسى لنفسك وعيشى لنفسك هتقدرى تسعدى الى حواليكى وتديهم امل فى الحياه بكل مااوتيتى من قوه واخر حاجه واهم حاجه جسمنا بتشكل زى ماحنا بناكل وربنا يسعدنا جميعا وبحققلنا كل الى عاوزينه ونخس ونكون رشيقات عشان صحه صح يعنى حياه صح ,جميله ,سعيده ,صحيه .
