تحايلى على جسمك بالحاجات الى بيحبها هتنزلى من وزنك باكلها قليل واكل بدايل ليها

1712

السلام عليكم ورحمه الله وبركاته

لانى واحده من ضمن فئه كبيره بتعانى من مشكله فى وزنها ولانى صاحبه خبره سابقه فى موضوع الرجيم فكره انى ممكن اتحايل على جسمى انى اكل الحاجات الى بحبها بمقدارصغيراومعين يخلينى ارضى نفسى واخس بس من غير مااحس بالملل ونبدا مع معشوقه الجميع الشيكولاته ممكن ننظم اكلناعادى جدا وناكل شيكولاته زى مااحناعاوزين بس شيكولاته خام بدون اى اضافات (لبن,بندق,الخ)

ثانيا البطاطس والبطاطس دى بقى حبيبتى اناشخصا بكافه انواعهاواشكالهاوطرقها وممكن ناكلها بطريقه صحيه

1-نشويها نحط عليها زيت زيتون ولومش بتحبوط حطوامعاها زره ملح مخلوط بكمون وزيت عادى بس بسيط اوى يعنى .

2-مسلوقه مع لحمه لحمه اوفراخ تكون الشربه منزوعه الدسم شايلين الوش يعنى

3-ولوهنحطهافى الفرن تبقى البصله والتومه مش متشوحين جامد وبلاش تبقى مسبكه اوى يعنى نخليهاسوتيه نص نص وممكن نحط معاهاخضروات تانيه كوسه مثلا هتديهاطعم كويس جدا .

4-لوعاوزينهامحمره بقى هنسلقها الاول بملح خفيف وهنجيب صنيه فيها معلقه زيت مدهونه بيهايعنى وهنحط الباطاطس نفردها ونحطها ع النار ونقلبها تحمروممكن ندخلهاالفرن تنشف وبعدكده نرش عليها كزبره مثلا اوناكلهامع سلطه خضرا

ثالثا النشويات العيله كلها(الرز,المكرونه,العيش كل الحاجات دى )مفيده جدا عشان بتمدالجسم بعناصرمحتاجلها بس لوزادت عن حدهابتكون مش كويسه بالنسبه للعيش لوهناكل عيش ورز فى يوم واحد غدا وعشا فطاروغدا كده يعنى يبقى 5معالق رز وربع رغيف عيش ولوتست يفضل الاسمراقمح كامل سواءناشف اوطرى وناكل منه 2 ولو هنشيل العيش يبقى الفطار زبادى وخضاراو سلطه خضرا والغدا7او8معالق رز والعش يكون زبادى وثمره فاكهه

رابعا الفاكهه كل الفاكهه حلوه جدا ماعدا (التين ووالتفاح الاحمروالمانجه والعنب البناتى والبلح)الباقى كله مسموح بيه كلى منه زى ماانتى عاوزه هيفيدك ويديكى شعوى براحه فى المعده والشبع فى نفس الوقت

خامسا الخضروات ممكن ناكل ونطبخ خضارزى مااخنا عاوزين بس نبعد عن المسبك والملح الكتيرلان زياده الملح بتحبس الميه فى الجسم ونكتر اوى من الخضروات دى (الفاصوليا الخضراوالكوسهوالملوخيهوالبقدونس والكرفس والخس والجريروالبصل سواء مطبوخ اوهتكليه كده يفضل حته صغيره لانه بيزودالسكر ولوبتحبى البصل كليه مشوى عن تجربتى رائع لومع السمك كمان .كمان بالنسبه للى عندهم سمنه فى الارداف زى كده رتس الفجل الابيض مفيد للمنطقه دى .

سادسا المشروبات طبعا الغازيه دى مصيبه لوحدها بتكسر العظم ومش مفيده وبتعمل هشاشه ممكن نشربها بس مره او مرتين كل كام اسبوع والنسكافيه كمان يفضل التلاته فى واحد عن اى نوع وممكن القهوه بالنسبه للشاى بقى الدكتوركان قايلى قللى منه ع قد ماتقدرى وبنص معلقه سكر اومعلقه بس مش مليانه عصير القصب ده بقى للى بتعمل رجيم لو شربت كوبايه واحده بس كل اللى عملته هيبوظ خدوابالكم منه كويس .كل الى مش مفيد ممكن يتنبدل بجريب فروت من غير سكر وبعصائر فريش .

سابعا المسليات والحلويات وقلبى الصغير لايتحمل ولمابتيجى سيره المسليات اللب والسودانى والمكسرات والبقلاوه وبلح الشام والزبيب وجوز الهند والتورت والجاتوهات كل ده مع زيادته بيادى لنتايج مش لذيذه .ممكن ناكل بس كميات قليله ونشرب وراهم قرفه مع جنزبيل بدوب الدهون فى البطن فظيعه وشاى اسمه المورينحا زى الملوخيه الخضرا كده حلو اوى برده بس من غير سكر .

ثامنا الجبن ومنجات الالبان ممكن ناكل اللى بنحبه لو مضر زى مثلا (الجبنه الكيرى,النستو,الشيدر,الرومى,الجبنه الفلمنج,جبنه كيرى )بكميات بسيطه ومش كل يوم وناكل معاهاخس طماطم خيار او نحطهافى ربع رغيف وناكل الخضارده معاها وممكن نبدلها بالمفيد لينا واللى مع شويه اضافات بسيطه زى الكمون الزعترحبه البركه وزيت الزيتون نتحايل بيه ع طعم اانواع دى ونتقبله (الجبنه القريش ,البيضاقليله الدسم )

تاسعاواخيرا وليس اخرا الاسماك والحوم لكل محبى الرنجه والفسيخ والسردين المملح والقراميط والملوحه والانشوجه الخ طبعا ادمان اكلها غير مفيد بالمره (ممكن تاكلواوتطهواانواع السمك الباقى بطرق مختلفه تفيدواجسمكم بيها وهتحبوها زى الانواع الاولى دى (سمك بلطى مشوى ,مكرل,سردين,جمبرى تونه بس من غير زيت ومحطوط عليها خل ونص لمونه وشويه كمون عليهم ذره ملح ولوهتقدرى تكليهامع سلطه كوليهابس السلطه حطى عليها طمطمايه واحده او بلاش طماطم عشان متعملش ريحه زفره تحسيهاوانتى بتاكلى .بالنسبه للحمه الحمه قليله الدسم وطبعا معروف ان البط والوز والحمام والبطارخ دسمه شويه ناكلها بس نحاول نقلل من الزيت والملح فى طبخها وممكن نبدلها بالارانب او الفراخ منزوعه الجلد المشويه يعنى .واخيرا عشان تطولت اوى عليكوا نشرب ميه كتير قبل الاكل نقلل من الملح نحاول نظبط مواعيد الاكل والنوم نلعب رياضه نمشى منكلش بين الوجبات نشوف طرق نحست بيها نفسيتنا نشوف شئ نفرغ فيه غضبناوطاقتنا السلبيه غير الاكل نهتم بنفسنا وجسمنا عشان يهتم بينا .

اتمنى اكون قدرت اضيف ليكم شئ من خبراتى القليله اوى والبسيطه دى .

ده شاى المورينجا وده الكريم