شدى وشك ونظفيه وامنحيه اشراقه وبياض مع العسل واللبن والزبادى
ده الماسك بتاعى الخاص عشان تشدى وشك وتحافظى عليه نظيف وتفتحى الاماكن الغامقه فى وشك خاصه المنطقه اللى جنب الشفايف وعشان تحافظى على نظاره وشك اهتمى دايما بترطبيه بلاش 111 
واضحكى دايما
واقتنعى انك اجمل بنوته او ست على وش الارض مش غرور بس لو كل واحده فينا وثقه فى جمالها ده هيديها ثقه فى نفسها كمان .طبعا العنوان بتاعنا بيتكلم عن 3 منتجات طبيعه عسل ولبن عشان نشد الوش وزبادى وقطع خيار عشان ازاله الظغط من البشره وترطبيها وترطيب عنيكى الحلوين بالخيار
عشان تشدى وشك وتبيضيه لازم تستعملى الوصفه دى ع الاقل خالص 3 مرات فى الاسبوع او كل يوم لو امكن لك
هتجيبى معلقه عسل كبيره عسل ابيض طبعا ومعلقتين لبن بارد ودوبيهم فى بعض لحد العسل مايدوب باللبن وبايدك او بقطنه هتوزعى اللبن والعسل على وشك كله وتركزى على المناطق اللى انتى عوزاها تستفاد اكبر استفاده زى حوالين الشفايف العنين ومتقلقيش لو لمس رموشك لاننا بنتكلم عن حاجات طبيعيه .وبتسبيه لمده ساعتين تلاته يعنى على حسب نوع كل بشره امتى تشيليه لما تبدائى تحسى انك خلاص وشك اتشد من العسل فتره كفايه واللبن كمان خلاص جف ووشك شربه ممكن تحطى على رقبتك كمان بس عشان العسل مش يلزق اكتفى باللبن بس .وطبعا بتغسليه بميه بارده مايه الحنفيه العاديه يعنى او لو مسحتى بايدى مبلوله ميه هيجرخ ع طول وبعد كده كريم مرطب .ونامى وادعيلى
الماسك المكمل ليه عشان يشيل توتر اليوم كله كوب زبادى وخياره هناخد منها حلقتين عشان العنين والقشر بتاعها الباقى والخياره كوليها بالهنا والشفا
ممكن تحطى الزبادى على وشك على طول وفوقه قطع الخيار .
وممكن تعمليهم منفصلين زبادى بس .وبعده تحطى الخيار.
ولو معرفتيش تحطى الزبادى على وشك هتجيبى مناديل يتستحسن يكون البى اتش بتاعها منخفض ولو مفيش المناديل العاديه تقوم بالمهمه وهطبقى الزبادى على المناديل وتحطيهم على وشك وطبعا المناديل هتتشال لوحدها لما وشك يشرب الزبادى
ازاى نشيل اجهاد العنين ودى بقى رائعه بتريحنى جدا هتجيبى شريحتين خيار وتحطيهم على عينك لمده من ربع لنص ساعه واول ماهتشليها صدقنى هتحسى بالفرق وتحسى ان عينك بدات تتنفس تانى ولو بصيتى للخياره هتلاقى انها مختلفه فى الشكل عن قبل ماتحطيها تماما.ولو حسيتى ان الشعور ده مريحك ممكن تعملى شريحتين تانين مفيش مشكله المهم تكونى مرتاحه
ويارب تجربوها وتعجبكم .
