روتين يومي
ممكن بخطوات بسيطه اوى تبقى جميله و جذابه طول الوقت , لو حافظتى على الخطوات دى و بقت روتين يومى فى حياتك , هتبقى ملكة جمال من غير ماسكارا او بلاشر
الابتسامه
اكيد انتى عارفة ان ابتسامتك من اهم الحاجات اللى بتلفت النظر ليكى و مش محتاجة اقولك انها كل ما كانت موجوده
و واضحه هتبقى اجمل , اهتمى اوى بجمال اسنانك و شفايفك
ممكن تدعكى اسنانك بالليمون او قشر الموز (الحته البيضه الداخليه فى القشرة) او السواك لان له فوايد كتير غير الاسنان , لشفايفك ممكن نقطتين عسل و ليمون , او ادعكيها بالفراوله او البرقوق او العنب بتدى لون طبيعى للشفايف
نظافتك الشخصيi
مهما كنتى جميله و جسمك مضبوط , النظافه دى عامل اساسى , اولاً شعرك حاولى يكون شكله و ريحته تدل علي النظافه , فى منتجات مخصوصة لريحة الشعر , لو مش متوفرة عندك , ممكن تعمليها انتى فى البيت
شويه مياه و اعصرى عليهم ليمون او برتقال , حطيها فى ازازه سبراى قديمه و رشى مره فى اليوم و هيديكى نظافه و لمعان و ريحه منعشه ,
ثانياً بشرتك و رائحتك الشخصيه ,للون بشرة موحد ممكن تستخدمى بودره التلك لوحدها او تحطى معاها ليمون, او حته بطاطس نيه , بتفتح فى ساعتها , و مع الوقت بتضبط اللون , ممكن للركب او الكوع او اى منطقه من مناطق الجلد الحساس
للرىحه بقى , الشبه معروفه اوى و تأثيرها فعال (ممكن تتجاب من عند العطار جاهزه) , و الزيوت الطبيعيه الخاليه من الكحول (برضه من العطار) , زى زيت المسك و الفل و الياسمين , ممكن تستخدميهم للمنطقه الحساسه ملهومش اى اضرار
ثالثاً قدمك , بالاخص البنات المحجبات , لان الشباب دايماً بتحكم على نظافه البنت المحجبه من المنطقه دى لانها الوحيده المرئيه من جسمها بالسبه لهم , و مش شرط محجبه , خلى اظافر رجلك دايماً مضبوطه مش مقصفه ,
افركى رجلك بالحجر دايماً و حطى جلسرين او فازلين و كريمات مرطبه , مش شرط و انتى نازله او لابسه صندل , لازم تهتمى بيها صيف شتا , عشان يفضل منظرها حلو على طول لان دى اكتر منطقة فى اجسامنا بتتعرض للاستهلاك
التصرفات العامه
الجنان حلو بس مش على طول , الهدوء و الاتزان فى التصرفات ليهم تأثير خاص , بيشد اللى قدامك انه يحاول يعرفك اكتر , الثقافه بتديكى انطباع خاص , حاولى تبقى عارفه معلومات عامه عن مختلف الماضيع , الحديث معاكي هيبقى ممتع اكتر ,
اتعلمى فن الاستماع , لو سكتى شويه و سمعتى اللى قدامك هتلاحظى حاجات كتير عنه مكنتيش واخده بالك منها , و الحديث معاكى هيبقى ليه مذاقه الخاص .
شكرا يا جميل
1 اضف رد على هذا التعليق إبلاغ عن إساءة