طريقة تطويل الاظافر

3180

ندخل فى الموضوع بقى الوصفة دى بجد جربتها وحلوة بجد نفعت الحمد لله
المقادير بتاعتها سهلة وبسيطة وموجودة فى كل البيوت
ومش مكلفة ابدا ابدا ابدا

المقادير:

1 ملعقة زيت زيتون (يفضل زيت زيتون بس ممكن اى زيت تانى حتى لو بتقلى بية)
2 ملعقة صغيرة ملح
3 كوب ماية عادى من الحنفية
4 طبق غويط عشان الوصفة يكفى تحطى ايدك جواة

الطريقة بقى

1-كوباية المية طبعا فى الطبق
2-نضع ملعقة ملح فى المية ونقلبها كويس حتى الزوبان
3-نضع الزيت عليهم
4- نضع ملعقة الملح التانية ونقلب حتى الزوبان
5- حطى ايديكى فى الخلطة دى من نص ساعة لساعتين حسب الوقت اللى انتى فاضية فية وكرريها كل اسبوع
بجد النتيجة حلوة اووى انا نفسى مكنتش متوقعة

بس لالالالالالالالالازم تتبعى نظام تحافظى بية على اضافرك :

1-لازم تبطلى تقرقضى اضافرك باى طريقة تحبيها المهم تمنعى نفسك وخلاص

2-يفضل وضع مانيكير شفاف اى نوع قبل غسيل المواعين .

3-حافظى على ايديكى بلاش المية الكتير وبعد المواعين ياريت كريم مرطب تحبية (زيت جونسون لاطفال جميل اوووى
وكريم نيفيا سوفت بردو حلو) او اى حاجة تانى ترتاحيلها او عندك اصلا مش محتاجة تشترى حاجة مخصوص
وممكن لما تدهنى الكريم تدلكى الضفر والعقلة الاولى (اللى فيها الضفر) بحركة دائرية خفيفة

4-اعملى مساج لصوابعك وانتى قاعدة بتدليك من عند كف الايد وصولا  للضفر بحركة دائرية سواء بكريم او من غير كريم

5-دايما ابردى اضافرك فى ناحية واحدة بمبرد معدن بس مش بقسوة ولا جامد لا خليها برد خفيف لحد ما يبقى الضفر سوا واحد ومفيهوش حاجة بتشد فى الهدوم

6-خلى اكلك فية شوية خضار لان الفيتامينات هتساعد ضوافرك وشعرك وجسمك يكون فى احسن صحة وافضل حال ان شاء الله

بجد الطريقة دى انا بتبعها وحلوة جدا بعد مرور اول اسبوع هتبدتى ضوافرك تظهر انها هتطول ويبقى فى جزء ابيض وبعد الاسبوع التانى ومع الاستمرار على التعليمات (اللى هى اهم من الخلطة نفسها) هتلاقى ضوافرك طولت وممكن بعد كدة تستغنى عن الخلطة دى بس اهم حاجة تحافظى على الضوافر الجديدة

يارب اكون افدتكو وتطلع الطريقة دى حلوة معاكو
وتفرحو بشكل ضوافركو وايديكو واحلى مانيكير وفرنش رسومات كمان :)

Princess Zozo
المتابعين 50

  إبلاغ عن إساءة   |     ارسال لصديق