Sun Cream - PERFECTION ULTIME THE FACE SHOP واقي الشمس من ذا فيس شوب
SUPER PERFECT SUN CREAM 50+ PA+++ THE FACE SHOP
واقي الشمس المثالي من ذا فيس شوب,!
الكل يدري ان واقي من الشمس هو اكبر العوامل الي تأخر ظهور التجاعيد في البشره تعبت وانا ادور عن المنتج الي ترتاح له بشرتي بما اني اعاني من بشره حساسه ,ما استمريت في البحث طويلا بعد ما لقيت منتج ذا فيس شوب , المنتجات الكوريه متقدمه براحل كثيره على المنتجات الاوروبيه و الامريكيه. من اكبر مميزات هذا الواقي هو التالي :
- تمتصه البشره بسرعه , يعني تقريبا بس بعد نص ساعه من وضعه اللمعه الي على الوجه تختفي تماما , مناسب جدا للي بتحط مكياج فوقه و كذلك مناسب حق الي تبي تستخدمه بدون مكياج !
- يعطي نظره حيويه و نظاره للوجه !, حتى في الايام الي ما اطلع من البيت صرت احب احطه لأنه يعطي اشراقه طبيعيه .
- الوقايه حقته مثاليه, يعني اقدر اطلع يوم كامل في الشمس بدون ما احاتي كثير (لكن يفضل عند البقاء في الشمس لمده طويله ان تضعيه مرثانية على الوجه) لكن انا ما اقعد في الشمس مده طويله جدا مما يجعل استخدامي له مره واحده و فعلا يحمي بشرتي من الاشعه الضاره.
- العلبه تطول , انا صار لي استخدمه تقريبا 3 سنوات و شريت منه 3 علب, و بعدني ما بعد استخدمت الثالث, لكن موجود احتياط عشان اذا خلص الثاني هههه.
العيوب:
- قد لا يكون مناسب للبشره الدهنيه , انا بشرتي جافه و احيانا احس انه ثقيل اشوي.
- لا اجد عيوب ثانية, ما كننت بشتريه 3 مرات لو اني ما حاسه بفايدته.
اتمنى اني اكون افدتكم !
التقييم من عشره
9 10
مجربته
0 اضف رد على هذا التعليق إبلاغ عن إساءة